|
Daeng
ilimoan?
Ngonian,
mga tugang, sagcod alas 11:59 nin matanga na
sana an panahon para mag-file nin caddidatura an
satong mga ambisyosong politico.
An
mag-agom na Verceles hahalaton daa an matanga
baco mag-aprecir sa Comelec. Inda kun ngata ta
habo na iguang aldaw gibohon an filing. Tibaan
daa mahoronhoron pa sa kama, segun ki Cotipyo,
kun ano an mga plano ninda sa eleksyon asin sa
Catanduanes, he! he! he!
An
mga candidato municipal aga daa an pagfile
tanganing dai masayang an mga maheling na
usisero. Sayang man nanggad an publisidad y an
bareta sa radyo.
An
hahalaton ta na sana, kun an mahal na simbahan y
mga ka-alyado caini ma-lansar nin campanya
kontra sa pagpabacal y baracalan nin botong
sagrado (bacong sa padi), he! he! he! Kun
madagos ini, mga tugang, magayon na pagmasidan
an mga candidato kun saen sinda mapuwesto. Kun
aco sa sainda, dae na aco maliboc ta total
cuarta man sana an gagamiton ninda sa Mayo 14.
Sabi ngani ni defunto Moi Tapia, no talk, no
mistake, he! he! he!
Segun
sa osipon, an mga nakuang mga joven pang
estudyante kan
CNHS sa sarong harong sa San Pablo may
milagro daang guiniguibo. An mga ini daa dati
nang mga lulong sa shabu. Haen daw an mga
magurang caini? Dae lamang ini nareparo kan mga
kanatad asin ipinagreport sa pulis? Hoy,
makialam man kamo! Iyan an masakit sa sato, dai
kitang pagmalasakit lalo na kung baco ta man na
kadugo, pwe!
Naka-encuentro
daa nin mga Erap loyalists sa saod an mga
candidato kan People Power Coalition.
Ini
nagpapaheling na ribong na balanak an tawo sa
campanyang ini. Si Jun Verceles nagpresentar na
siya daa an coordinator kan PPC y Lakas. Si
Tarzan man iyo an amo kan Aksyon Demokratiko y
kaalyado ni Gob Hector. Sabi man ni Gob siya an
hade kan Lakas. Si Cotipyo asin Cito nasa NPC y
si Cesar provincial chairman kan Reporma.
Kaya
kun naheling nindo an motorcade kan Sabado,
nangenotan an mga vehiculo ni Verceles kaiba
sinda bise presidente Guingona asin limang
candidato. Nacadistancia an mga awto ninda
Santiago, Sanchez y Sarmiento na igua man
kargang senador.
Kun
sa parking pa sana, nag-iiriwal na, ano daw sa
pag-abot kan kainitan kan campanya? Kaya
inaapodan niato si Col. Panen na atid-atidon an
sitwasyon. Tibaad puloton siya sa kangkungan
oras na violencia an magdanay.
Pataned
sa mga ciudadanong an vehiculo nakumpiska kan
pulis sa Virac. Igua palan na milagro na
nangyayari diyan sa parking area. Kan nakaaguing
semana, sarong miyembro kan BJMP an nadakop sa
akto na pinagpapaihi an sarong tricycle sa
tampad mismo kan police headquarters. Maisihan
daa kan kagsadiri, hubas na an gasolina sa
tangke asin an 2T oil, herac man!
Dapat
siguro ki SJO4 Vargas painumon kan saiyang
hinabas sa tricycle ni Mr. Timbal. An na-impound
kan pulis pagsadiri man guiraray kan maysaridi y
baco na gamiton kan sisay man sa awtoridad.
Bumacal man camo nin saindong gasolina, pwe!
Inda sana kun pati an mga detenidong babaye sa
carcel kan BJMP, pinaghahabonan man, he! he! he!
pwe!
Segurista
na an mga lider political ngonian. Minsan sige
na daa an ribot sa bilog na banwaan, dae pa daa
gadugo, he! he! he!
Siyempre,
siring man sa pagbono, an dugo daang minabulos
depende man sa clase kan orig kung tibihon o
overdose sa bahog; depende sa ga-dodo, kun sala
an anggulo kan saksak, nunca tamaan an puso;
asin depende sa clase kan palas. Caya an
cadaclan, sige sana an dodo, tibaad lamang
iguang mag-bolos na dugo, he! he! he! Maghalat
sana tabi camo sa Marso 30, dacul an bobonoon na
candidato sa islang Catanduanes. Maghanda sana
nin sampulong niyog, tibaad makahimo nin
dinuguanon, pwe!
|
