The Catanduanes Tribune


Vol. XX No. 47	January 31, 2001	Virac, Catanduanes

Headlines

Major Developments

The Catanduanes Tribune

Rawis, Virac

Catanduanes,

Philippines - 5001

Tel. No.:

   (052) 811-1267

   or 811-2640

Fax No.:

   (052) 811-1267

E-mail:

Cattribune@cs.com



Publisher-Editor

Edwin A. Gianan

Advertising-

Circulation

Manager

Simeon G. Cueno

Web Master:

Richard T. Revelar

Calgary, Canada

Isip-Ispon Ta

ki Tang Tacio

Style mo, bulok!

Ginatos na tawo daa an nagduman sa airport kan Sabado, sabi sa osipon, tanganing tagboon si Congressman Verceles asin pabacalan kan mga copya kan Inquirer na may fechang Enero 24. Alagad ini pinagsayumahan na ta sobra na daa an saindang pinakyaw ki Oscar. Kinulang daa nin toilet paper sa oficina ni Kong caya Inquirer na sana an ginamit, lalo na so pahina A14, he! he! he!

Sobra ngani daa an panghinayang ni Oscar, sabi sa airport, ta pinabacal sana sa halagang P19, dae pa so ganansya kan sampulong newsboy. Kung aco, pepresyuhan co nin manangribo cada sarong copya, suma total tres cientos mil de pesos, he! he! he! Puede nang ipanaltag sa Mayo 14 y igua pang sobra para sa tsiks ni Bayani sa Windland, hak! hak! hak!

Dacul an nagngalas kun ngata guinibo ini kan congressman. Toltol man daang tawo ini, sabi ni Gob sa pangaturog, y iguang bayad, ay sala, mayad na relasyon sa media. Dae man daang diferencia an articulo ninda Ubac asin Contreras ta an cabanga ngani daa caini pinagreserva sa "deny-to-death" kan congressman. Kun sabagay, sanay sana daa ini magbacal nin periodista baco na simbagon an napublicar, he! he! he!

An sabi pa, puede daang icumparar ini duman sa guinibo kan satuyang mahal (P200 milyones an presyo) na senador Kit Tatad na habo pabuksan an second envelope sa impeachment trial.

Ngata daw ta nalingawan ni Kuya Jun kuno na high-tech na an Catanduanes? Na igua na nin cellphone asin fax? Na dacul man an taga-Catanduanes na nasa Manila? Kulang sana seguro ini nin katurog sa kaka-follow-up nin puwesto sa cabinete ni Gloria, he! he! he!

Sa totoo sana, sarong semana bago magluwas an bareta sa Inquirer, igua kitang nacoang bareta na sarong empleyada kan Philippine Information Agency an soboot nagduloc sa ahente kan NBI asin nagdohol nin P50,000 hale daa ki Congressman tanganing dai ipagpadagos an imbestigasyon na kalag na mga proyecto. Inda co sana kung totoo ini, alagad natataw-an nin estorya dahelan sa pagpakyaw ni Cong kan Inquirer. Bulok na style, mga tugang, dae na ma-aser sa lugar ta. Kung an EDSA 2 pinalakop kan cellphone asin text, an pagdacul kan cellphone digdi, lalo na an satellite phones kan Smart, an gustong sabihon kulang na an mapaloko sa mga luko-loko, he! he! he! pwe!

Helingon ta daw kun seryoso talaga si Col. Panen sa campanya laban sa ilegal na pasugal.

Kan sarong semana, sunod-sunod na raid asin pagdacop sa mga parapataya kan lotteng an guinibo kan pulis sa Virac. Small fish, he! he! he! An malasugui daa na si Popa pinasakat sa campo asin kinahoron ni Panen. Kun ano an pinaghoronan, dae na sinabi. Bahala na camo mag-intiende sa pagsecreto ni Col. Panen ta intelligence officer ini.

An problema, duwa pa daang operador nin ending an na-ori kan kita ni Popa caya nagpa-lotteng man. Ini daa si Tingting diyan sa saod asin si Taruc kan cable TV. Caya bobowa an sabi na an pagsugal dae puedeng isabay sa negosyo, he! he! he!

An mabacal qui Tingting, pagbayad kan binacalan sabay duhol kan pataya sa lotteng, he! he! he! Puedeng i-promo, cada P200 na benta, iguang libreng sarong taya, hak! hak! hak! An mga nagtaya sa Virac, dae na mabacal nin diyaryo tanganing maisihan an resulta sa lotteng. Bubuksan sana an TV, permanente an anuncio kan first-two. Libre pa sa bayad sa cable an magana sa laog nin sarong taon, he! he! he!

Dae pa man daa segurado kun talagang dae na si Popa. Pinagmamanmanan pa daa ini ta tibaad kulang pa an natipon na pambacal nin boto sa Mayo 14, he! he! he!

Igua man nin nagsabi na pacatapos kan ending asin lotteng, asikasuhon man kan PNP an nagkalat na mga pasugalan sa mga barangay, lalo na sa Taytay. Adiyan daa an pa-tong-its ni Rafael asin Jaime, dae na daa ini nahiwas ni kapitan ta dae na man nahiwas an cabanga kan ginhawa caini, he! he! he!

Sabi man daa sa estasyon, kaipuhan daa na an nagrereclamo mag-file nin complaint sa blotter. Hoy, mga bulok, trabaho niyo an! Nunca camo magtaram sa tawo na caipuhan pang magpirma sa reclamo. Pinagsuelduhan camo na bocodon asin gapuson an mga invuelto sa ilegal baco na maghagad nin pruweba sa ciudadano. Col. Panen, kun siring an kaisipan kan saimong mga opisyal asin raso, tabi man ka-rapadoha nin tolong pidasong dospordos! Pwe!

Padagoson ta an pagsumsuman sa pulisya.

Kan naka-aguing semana, sarong kabit nin pulis an pinag-aresto kan mga tauhan ni Col. Rosero. Invuelto daa ini sa paghabon asin may piyansang ocho mil na pinagtasar kan korte.

An macolog, mga tugang, an saro daa sa hinabasan caini, sarong halangkaw na opisyal kan Camp Camacho. Ini daang babayeng ini saro sa mga salampateng pirming naheling na nagsasakat sa campo. Mga spy daa ini caya dae daa ini pinapa-logbook minsan naka-short, he! he! he!

Kan saro man na semana, igua cotanang raid sa cabo nin lotteng sa Francia. Alas cuatro an schedule, alagad ala una pa sana naisihan na daa ni Bonaobra an maabot na raid. Resulta, bugok an inabot kan raiding team. An rason, saro daang parientes caining cabo an conectado daa sa campo. Double agent, mga tugang, doble an kita, he! he! he! pwe!