|
Weder-weder
lang `yan!
Inaapodan
an Comelec na reparohon man an teritoryo kan
bag-ong manager na si Manuel Magdaraog.
Maluya
daa an buhay ni Gob Hector pag-abot kan sarong
semana ta an mga naheling daang poster na
nakadukot sa lanob kan departure asin arrival
area iyo an pandok ninda Jun Verceles, an agom
na si Natsy asin Manny Villar. Baco man daang
patas an laban. Baco man cotana ining kasal-an
ni Manuel kundi kan dating manager na si Larde
Abundo, an fiel na manok ni Jun sa Viga.
Dapat
daang ideclarar nin Comelec na Common Poster
Area an airport tanganing an gabos na candidato
sa Mayo 14 macacahang man kan saendang litrato
sa laog kan building.
Kun
dae daa matugot an Comelec, girision na sana an
aduman na poster asin salidahan nin litrato nin
mga tourist attraction sa Catanduanes. Sa siring
na paagui, baco daang madulag an tawo kundi
maduloc tanganing maheling an gayon kan island
Catanduanes.
Saro
man ining si Manny Villar, an senador ng taong
bayan kuno. Kun mangalagcalag camo, napapano na
kan poster caini an mga kudal, waiting shed y
anuman na lanob. An pacahona caini basurahan kan
saiyang poster an Catanduanes, pwe!
Kung
tunay na maisog an Comelec, puede na ining
disqualificaron sa pagdalagan sa senado.
Miyembro man cotana kan Congreso sa pag-aprobar
kan Fair Election Law, alagad iyo pa an saro sa
nangenotan na balgahon ini, pwe! Dae man daa ini
puedeng casohan ta puedeng negaran na siya an
nagtacod personal kan poster. An mga abogado
caini seguradong gagamiton an depensa na dai
siyang pagcaisi kan bagay na ini. Dae man
mabasol an mga atorni ta iyo ini an saendang
trabajo - an salaon an tama asin pagtamaon an
sala, pwe! An enot caining pinag-iisip, mga
kahimanwa, oras na makapasar sa bar iyo an kun
pano makahanap nin butas sa ley. Caya dai nag-aasenso
an Pilipinas, overdose na sa mga atorni. Dapat
na segurong bawasan an populasyon ninda
tanganing matoninong an banwaan, kulang na an
protesta sa eleksiyon, kulang man an iriwal sa
masqui diit na bagay!
Igua
na palan nin nanombraran na bag-ong manedyer kan
Ficelco.
Binotohan
daa kan board of directors si Engr. Carlos T.
Gianan III bilang GM kan Sabado. An iskor, 5-2.
Duwa
sana an nakoang boto (bacong halaba) ni Engr.
Raul Zafe minsan sobra daa an paglobby caini na
iyo an magtocao sa puestong binayaan ni GM
Segundo Gianan, Jr. Caibahan an mga parientes
asin tugang, pinagsosod daa caini an mga
director y saro man na kaalyado an nag-offer nin
cien mil cada director na maboto sa saiya. Dae
ta isi kun an duwang nagboto nanggad apabor ki
Zafe nacarecibe nin perac.
Nonoy,
baco mo pa segurong oras. Halaton ta sana an
magayon na panahon. Sabi ngani ni Erap,
weather-weather lang yan, he! he! he!
Sa
bag-ong manedyer, na kaipuhan pang confirmaron
kan NEA, good luck sa saimong paglaog sa
problema! Mayad na amo ini, dae ga-inom nin alak,
dae ga-sigarilyo. Baco man ining politicong tawo,
an mga director sana. Dae acong paquilabot kun
ano an bisyo caini, basta bacong deligencia.
Mabalos sa saimong pagmawot na macabangon an
cooperativa sa pagkaka-utang. Mabuhay ca!
Sinapak
daa kan sarong pulis an bise mayor kan Caramoran
dahelan sana sa kuwitis.
Segun
sa osipon, iguang okasyon daa an familia ni
Bocaya, an turistang vice mayor ni Kikoy Idanan,
asin ini siging palayog kan baby rocket. Si jefe
palan, allergy an taringa sa anuman na putok,
rinusob an harong ni Bocaya asin sinapak an
pobreng bise mayor kan habo caining itao an
kuwitis.
Masqui
baco nang Pascua, dapat cotanang tinao na sana
ni Bocaya an kuwitis ki jefe. Tibaad dadarahon
man caini sa harong ta mapaputok, he! he! he!
Sisante cotana an highblood na pulis alagad dae
man daa inatohan ni Bocaya ta igua pa daang
relasyon an familia caini duman sa agom ni tsip.
Masuwerteng aqui, may anghel de la guardia, he!
he! he! Dapat seguro, Col. Panen, si tsip dae na
ipag-assign duman sa mga lugar na iguang
madangog na paputok. Duman sana sa silenciong
paputok, nacaginhawa na, masiram pa, he! he! he!
|
