|
Karera
nin mga operado
Dacula
an posibilidad na magcaigua nin caribocan sa
maabot na eleksyon.
Nag-abot
na daa an mga goons kan duwang kampo political.
An grupo daa ni Gob Hector iyo an mga kabarali
sa Bantay Bayan diyan sa Sta. Cruz y an 16 na
maton ni Jun Verceles yaon man sa Calatagan, sa
pamamayo ni Barboting asin ni SPO5 Abrasaldo.
Kung maguiromdoman niyo, ini si Joe Barbosa
haloy ining bodyguard ni dating Gob. Danding (tabangan
nin Diyos) y kan panahon ni Manoy `Se (tinabangan
nin Diyos), saro ini sa mga kinatakutan caidto.
Alagad ngonian, an saiyang style dae na
ma-click. Medyo muklat na man an mata kan tawo y
an mga joven dae mo na madara sa burarat nin
mata, he! he! he! pwe!
Dai
ko isi, mga tugang, kung an bagay na ini
nakaabot na ki Col. Panen. Tibaad lamang dai pa,
paki-text na sana daa, he! he! he! pwe! Inda
sana ini si jefe kung mahale sa pagca-PNP
director sa maabot na reshuffle. Cadaclan daa
kan mga jefe de policia sa mga banwaan hahaleon
asin dadarahon sa ibang lugar. Seguradong
hahaloan nin politica an pagbalyo kan mga pulis.
Helingon ta an mangyayari.
Balik
kita ki Panen. Hambog man sana palan an sinabi
caining pinapundo niya an ilegal na pasugal sa
Virac asin cataraning na lugar. Sige pa man daa
an operador na si Jun Popa, na nunca pinagdacop
kan mga awtoridad. Dacul na siguro an
pinagbabaranga sa Kampo Camacho. Ano lamang
diyan, mga opisyal kan PNP, dae lamang nin
balato?
Dae
aco mangalas kung imbes na magbawas an krimen sa
Catanduanes, madugangan pa dahelan sa mga daeng
calag na jefe nin pulis. Hoy, kung dae camo
matoltol, maghale na sana camo sa Catanduanes,
pwe!
Sabi
kan sarong semana, maabot daa ngonian si Ribong.
Caya
sa primerong pagkakataon, madagsa an katawohan
sa clinic ni Doctor, baco na magpaheling kan
saendang helang kundi helingon an helang ni
ex-Mayor, he! he! he!
Minsan
inanong sumpa kan mga ka-alyado caini na an
dating meyor makusog asin igua pang tagik na
lumaban ki Cito sa ika-apat na vez, dapat na
patunayan kan doctor na siya healthy in body,
masque bacong healthy in mind, he! he! he!
Ngonian,
ano daw kung magcontesan an tolong candidato sa
Virac. Si Ribong operado sa tulac, si Cito
operado sa puso asin si Mulo heavyweight arog
kan tugang niyang si Raul y candidato man sa
hayblad. Paabayan sinda hale sa plaza Rizal
sagcod sa EBMC, an finish line ipuwesto sa
emergency room, he! he! he! An premyo, sanribong
boto y supply nin Shoctong sa laog nin
cincuentang taon, hak! hak! hak!
Iguang
observasyon an candidatong si Awe Tablizo, na
naderota sa pagcacongressman kan 1998.
Sabi
niya, an cadaclan kan madalagan sa Mayo 14 dae
nin tunay na harong sa island Catanduanes. Si
Joseph, an familia nasa Laguna. Si Natsy asin
Jun, an aqui asin estada sa Manila. Si Evelyn
San Ramon-Yumol naka-check-in sa hotel nin Arabo
y si Gob Hector an familia nasa Manila man.
Ano
daw ngaya kung isipon man nin mga votante na an
tunay na makasabot asin makaresolvar kan
saendang problema sa banwaan iyo an tunay na
nakaestar sa islang ini, baco itong cada Viernes
o Sabado ma-eroplano pa-Manila? Mas maray daa na
an ikahang sa puwesto sa gobyerno iyo itong
kulang an tsansang macadulag kung maka-disfalco
nin cuarta nin banwaan.
Caya
nagtutubod aco na dapat talagang magwithdraw si
Edoy Tablizo sa pagca-vocal sa West District,
he! he! he! Baco man na nuisance candidate si
Awe, macadagdag pa ngani ini sa macolor na
debate sa Mayo 14. Mayad pang mag-jack en poy na
sana camo, he! he! he!
|
